"Qarabağ"ın İsveçə səfər proqramı bəlli olub - rəqib bizə nə qədər bilet ayırıb?

Avropa Liqasının Liqa mərhələsinin matçında İsveçdə yerli "Elfsborq" klubu ilə üz-üzə gələcək "Qarabağ"ın səfər proqramı bəlli olub.

Ağdam təmsilçisinin mətbuat xidmətinin rəhbəri Anar Hacıyev Presssport.az-a məlumat verərək dekabrın 10-da, saat 18:00-da çarter reysilə sözügedən ölkəyə yollanacaqlarını deyib. Ağdam təmsilçisi qarşılaşmadan sonra Bakıya qayıdacaq.

Hacıyev onu da vurğulayıb ki, "köhlən atlar"ın azarkeşləri üçün 600-dən çox bilet ayrılıb.

Xatırladaq ki, turnirin VI turunda dekabrın 12-də təşkil olunacaq "Elfsborq" - "Qarabağ" oyunu Bakı vaxtı ilə saat 00:00-da start götürəcək.