Beynəlxalq Futbol Tarixi və Statistikaları Federasiyası (İFFHS) dünya klublarının son 1 il üçün reytinq cədvəlini açıqlayıb.
Presssport.az xəbər verir ki, 700 klubun yer aldığı siyahıda Misli Premyer Liqasının 4 komandası yer alıb: “Qarabağ”, “Zirə”, “Sabah” və “Turan-Tovuz”.
Yenilənmiş reytinqə əsasən, “Qarabağ” 168,75 xalla 67-ci yerdən 81-ci yerə enib. Ağdam təmsilçisini “Gent” və “Kolo-Kolo” (hər biri 169) cədvəldə qabaqlayıb. Azərbaycan çempionunu isə daha aşğı pillədə “Bodo-Qlimt” (167) izləyir.
“Zirə” isə 219-cu pillədən 208-ci pilləyə yüksəlib. Rəşad Sadıqovun rəhbərlik etdiyi kollektiv “Universitario”(99,5) ilə eyni xaldadır. “Sabah” öz mövqeyini yaxşılaşdıraraq, 400-cü yerdə (62,25) 4 klubla eyni mövqeni bölüşməklə yanaşı, “Pumas”(Meksika) və “Raja Kasablanka”(Mərakeş) (hər ikisi 62,5) aşağı olmaqla, Fransanın “Reyms”, Belçikanın “Vesterlo” kimi bir sıra komandalarını qabaqlayıb.
“Turan-Tovuz” da bir sıra klublarla (hər biri 53,75) bölüşdüyü 496-cı yerdən 494-cü yerə yüksələrək irəliləyib. Kurban Berdiyevin komandası San-Marinonun “Virtus”, Niderlandın “Heerenveen” klublarından geridədi. Ancaq tovuzlular Hondurasın “Marafon” klubunu (54) qabaqlayıb.
Onu da bildirək ki, ötən ilin ən yaxşı klubu Madrid “Real”ıdı (441 xal).
Bugün
Bazar | B.E | Ç.Ə | Ç | C.A | C | Ş |
---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC