Bakıdakı "Böyük Dəbilqə": Cüdoçularımız turnirin 2-ci günündə 3 medal qazanıb

Azərbaycan cüdoçuları Bakıda keçirilən "Böyük Dəbilqə" turnirinin 2-ci günündə 3 medal qazanıblar.

Presssport.az xəbər verir ki, bu gün 4 çəki dərəcəsində 11 idmançımız tatamiyə çıxıb.

Kişilərdə Rəşid Məmmədəliyev (73 kq) zədə səbəbindən Tatsuki İşihara (Yaponiya) ilə final görüşünə çıxa bilməyib və gümüş medalla kifayətlənib. Bu çəkidə Vüsal Qələndərzadə 3-cü yer uğrunda görüşdə Ryuqa Tanakanı (Yaponiya) məğlub edərək bürünc medala yiyələnib.

81 kq çəki dərəcəsində
Zelim Tçkayev finalda Fransua Qotye-Drapoya (Kanada) qalib gələrək millinin hesabına ilk qızıl medalı yazdırıb. Bu çəkidə Ömər Rəcəbli bürünc medal uğrunda qarşılaşmada Askerbiy Qerbekova (Bəhreyn) uduzub.

Xatırladaq ki, cüdoçularımız yarışın ilk günündə iki bürünc medal qazanıb. Əhməd Yusifov (60 kq) və Elşən Əsədov (66 kq) 3-cü yeri tutub.