"Neftçi" Polşadakı ilk oyununda heç-heçə edib

Bu gün "Neftçi" Polşadakı təlim-məşq toplanışı çərçivəsində ilk yoxlama matçını keçirib.

Presssport.az xəbər verir ki, paytaxt təmsilçisi “Hapoel”lə (İsrail, Təl-Əviv) qarşılaşıb. 

Görüş 1:1 hesablı heç-heçə ilə başa çatıb.

"Ağ-qaralar"ın heyətində qolu ilk dəqiqədə Emin Mahmudov vurub. Rəqib fasiləyədək penaltidən hesabı bərabərləşdirib. Amma bunadək Polşada hər 3 yoxlama matçında qələbə qazanan "Hapoel" son oyununda buna nail ola bilməyib. 

Xatırladaq ki, “Neftçi” iyulun 22-də Polşa “Termalika”sı, 27-də Yunanıstan “Asteras”ı və 1 avqustda Kipr AEL-i ilə qarşılaşacaq.