Misli Premyer Liqası: İlk turun oyun cədvəli açıqlanıb

Misli Premyer Liqasında 2025/26 mövsümünün ilk turunun oyun cədvəli müəyyənləşib.

Presssport.az Peşəkar Futbol Liqasının (PFL) mətbuat xidmətinə istinadən məlumatına görə, 4 gün ərzində keçiriləcək I turun bütün oyunları Azərbaycan Respublikasının Dövlət Himini ilə başlanacaq.

Habelə, bütün matçlar “CBC Sport” telekanalı vasitəsilə canlı yayımlanacaq.

Misli Premyer Liqası

I dövrə, I tur

15 avqust (cümə)

17:00. “Karvan-Yevlax” – “Qəbələ”
Şamaxı şəhər stadionu

16 avqust (şənbə)

17:00. “İmişli” – “Turan Tovuz”
Şamaxı şəhər stadionu

20:00. “Neftçi” – “Şamaxı”
“Neftçi Arena”

17 avqust (bazar)

18:30. “Sabah” – “Qarabağ”
“Bank Respublika Arena”

20:30. “Sumqayıt” – “Kəpəz”
Mehdi Hüseynzadə adına Sumqayıt şəhər stadionu

18 avqust (bazar ertəsi)

20:00. “Zirə” – “Araz-Naxçıvan”
Zirə İdman Kompleksinin stadionu

Onu da bildirık ki, Quba Olimpiya İdman Kompleksinin stadionunda aparılmış təftişin nəticələri zamanı üzə çıxmış çatışmazlıqları vaxtında aradan qaldırmadığı üçün “İmişli” AFFA və PFL-in müdaxiləsindən sonra cari mövsümdə ilk iki ev oyununu Şamaxı şəhər stadionunda keçirəcək.