Ruan Renato üçün "Zirə"də yubiley

Ruan Renato “Zirə”nin heyətində 100-cü oyununu keçirib.

Presssport.az PFL-in rəsmi saytına istinadən xəbər verir ki, 31 yaşlı braziliyalı müdafiəçinin yubileyi Bizon Azərbaycan kubokunun 1/8 final mərhələsinə təsadüf edib.

Braziliyalı legioner “Neftçi” ilə əlavə vaxta qədər uzanan qarşılaşmada (1:0) 120 dəqiqə meydanda olub. Renato “Zirə”də keçirdiyi 100 matçda 9 qola imza atıb.

Ruan Premyer Liqada 80 (8 qol), kubokda 10 (1 qol), avrokuboklarda 10 matça çıxıb. Cənubi amerikalı  futbolçu “Zirə”nin tarixində 100 və daha çox oyun keçirən 9-cu futbolçudur.

Onu da bildirək ki, Renato 2023-cü il avqustun 5-də Premyer Liqanın “Qarabağ”la səfər matçında (1:0) Bakı klubunda debüt edib.