Çempionlar Liqası: "Qarabağ" 2025-ci ili neçənci yerdə başa vurdu?

Çempionlar Liqasında (ÇL) Liqa mərhələsinin 6-cı turuna yekun vurulub.

Presssport.az xəbər verir ki, Azərbaycan çempionu “Qarabağ” Bakıda "Ayaks"a 2:4 hesabı ilə uduzaraq cari mərhələdə 3-cü məğlubiyyətini alıb.

Aktivində 2 qələbə və 1 heç-heçə olan Qurban Qurbanovun komandası hazırda sıralamada 7 xalla 22-cidi. "Qarabağ" Liqa mərhələsinin son iki görüşündə əvvəlcə "Ayntraxt" (Almaniya), sonra isə "Liverpul"la (İngiltərə) qarşılaşacaq. Bunlar 2026-cı ilin yanvarın son 10 günlüyündə olacaq. 

Xatırladaq ki, ÇL-in Liqa mərhələsində ilk 8 yeri tutan komanda birbaşa 1/8 finala, 9-24-cü yeri tutanlar pley-off mərhələsinə vəsiqə qazanır. 25-36-cı yeri tutanlar isə avrokuboklarda çıxışlarını başa vurur.