Yuri Vernidub 10-cu oldu

Misli Premyer Liqasının 15-ci turu daha bir legioner baş məşqçinin debütü ilə əlamətdar olub.

Presssport.az PFL-in mətbuat xidmətinə istinadən xəbər verir ki, Yuri Vernidub “Neftçi”ni “Sumqayıt”la ev oyununa (2:2) çıxarıb.

59 yaaşlı ukraynalı çalışdırıcı Premyer Liqada cari mövsümdə debüt edən 4-cü əcnəbi mütəxəssisdi. Saşa İliç (“Sumqayıt”) və Jorj Kaşkilya (“İmişli”) I, Valdas Dambrauskas (“Sabah”) II turda debüt edib.

Bununla da Premyer Liqa tarixində baş məşqçi və ya bu vəzifəni müvəqqəti icra edən əcnəbi mütəxəssislərin sayı 69-a çatıb. Vernidub Premyer Liqa tarixində 10-cu ukraynalı baş məşqçidi.

O, “Neftçi”ni Azərbaycan çempionatlarında oyuna çıxaran ümumilikdə 33-cü mütəxəssisdir. Vernidub “ağ-qaralar”ın 9-cu legioner, 3-cü ukraynalı çalışdırıcısı olub.