Erməni xizəkçi “Azərbaycan” yazısını gizlətməyə çalışdı - cəzalandırıldı

İtaliyada keçirilən “Tour de Ski” yarışlarında iştirak edən erməni xizəkçi Mikael Mikaelyan cəzalandırılıb.

Presssport.az xəbər verir ki, buna səbəb onun formasında yarışın sponsorlarından olan Azərbaycanın adı yazıldığı hissəni örtməsi olub.

Beynəlxalq Xizək və Snoubord Federasiyası (FIS) idmançının bu hərəkətinin yolverilməz olduğunu bildirib. 

Mikaelyan isə həmin hərəkəti niyə etməsinin səbəbini açıqlamayıb: “Bu, mənimlə münsiflər heyəti arasında qalacaq”.

Onu da bildirək ki, sözügedən federasiya Azərbaycanla 5 illik sponsorluq müqaviləsi imzalayıb.