Millimizin futbolçusu rəsmən Bundesliqa klubunda

Qadın futbolçulardan ibarət Azərbaycan milli komandasının üzvü Nigar Mirzəliyeva klubunu dəyişib.

Presssport.az xəbər verir ki, 23 yaşlı müdafiəçi Almaniyanın “Hamburq” klubuna transfer olunub.

Rusiyanın “Zenit” klubunda uğurlu çıxışları ilə diqqət çəkən Mirzəliyeva Bundesliqa təmsilçisi ilə 2,5 illik müqavilə imzalayıb.

Xatırladaq ki, Nigar 2020-ci ildən millimizdə çıxış edir. O, karyerası ərzində "Balxurma", "Marxal Şəki", "Rubin" və "Zenit"in formasını geyinib.