"Kəpəz" Azərbaycan çempionatında son 13 ilin rekorduna imza atıb.
Pressssport.az Peşəkar Futbol Liqasının rəsmi saytına istinadən xəbər verir ki, Gəncə təmsilçisinin heç-heçəsiz oyunlar seriyası qırılıb.
"Sarı-göylər" son olaraq Premyer Liqanın XIX turunda "İmişli" ilə bərabərə qalıb - 0:0.
"Kəpəz" ötən çempionatın sonunda da 3 matçda bərabərə qalmamışdı.
Qərb təmsilçisinin son heç-heçəsi 2025-ci il mayın 4-də "Neftçi" ilə görüşdə qeydə alınmışdı - 2:2. Sonrakı 21 matçda 5 qələbə və 16 məğlubiyyət qeydə alınıb.
281 gündən sonra qırılan bu seriya son 13 ilin rekordudu. Daha uzun heç-heçəsiz seriya sonuncu dəfə 2012-13-cü illərə təsadüf edib. Həmin vaxt "Rəvan" 25 görüşdə "sülh"süz oynayıb.
Çempionatın mütləq rekordu isə 1996-98-ci illər aralığında 51 oyunu heç-heçəsiz bitən "Şəfa"ya məxsusdu.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
