"Kəpəz"in kubok məğlubiyyətlərinin sayı 35-ə çatıb

"Kəpəz" Azərbaycan Kubokunda 35-ci məğlubiyyətini alıb.

Presssport.az Peşəkar Futbol Liqasının rəsmi saytına istinadən xəbər verir ki, bu, 1/4 finalın "Turan Tovuz"la görüşünə təsadüf edib.

Qərb derbisində qeydə alınan 0:2 hesablı yenilgi Gəncə klubu üçün kubokda 35-ci olub. "Kəpəz" 114-cü matçında bu qədər məğlubiyət alıb. Gəncə təmsilçisi evdə 16, səfərdə 19 dəfə uduzub.

Qeyd edək ki, Azərbaycan Kubokunda yalnız "Neftçi" (43) və MOİK (42) daha çox məğlub olub.