Cüdo millimizdən uğurlu nəticə - Avstriyada 1-ci oldu

Avstriyanın Linz şəhərində keçirilən cüdo üzrə Qran-Pri turniri başa çatıb.

Presssport.az xəbər verir ki, Azərbaycan millisi beynəlxalq yarışı 4 medalla tamamlayıb.

Mübarizənin son günündə Camal Qamzatxanov bürünc mükafata yiyələnib. +100 kq çəki dərəcəsində çıxış edən təmsilçimiz 3-cü yer uğrunda qarşılaşmada Gürcüstan təmsilçisi İrakli Demetraşvili üzərində əzmkar qələbə qazanıb.

Daha əvvəl Ruslan Paşayev (-66 kq) qızıl, Vüsal Qələndərzadə (-81 kq) gümüş, Ömər Rəcəbli (-81 kq) isə bürünc medala yiyələnmişdi.

Yekunda 1 qızıl, 1 gümüş və 2 bürünc medal əldə edən millimiz 59 ölkə arasında ümumi hesabda 3-cü, kişilərin yarışında isə 1-ci yeri tutub.