Çempionlar Liqasında həftənin oyunçusu açıqlandı

Çempionlar Liqasında həftənin oyunçusu açıqlandı

UEFA, Çempionlar Liqasının ⅛ final mərhələsinin ilk oyunları həftəsinin yekunları əsasında həftənin ən yaxşı oyunçusunu açıqlayıb.

Presssport.az xəbər verir ki, müvafiq məqama “Real”ın 27 yaşlı uruqvaylı mərkəz yarımmüdafiəçisi Federiko Valverde layiq görülüb.

Valverde “Real”ın “Santyaqo Bernabeu”da “Mançester Siti”ni 3:0 hesabı ilə “kötəkləməsini” “şəhərlilər”in qapısına 3 qol vuramqla təmin edib.

Səsvermədə Valverde yekunda müvafiq ardıcıllıqla yer almış argentinalı hücumçu Xulian Alvares (“Atletiko”, Madrid), gürcü cinah hücumçusu Xviça Kvaratsxeliya (PSJ) və fransalı cinah hücumçusu Maykl Olise (“Bayern”) üzərində üstünlük saxlayıb.