"Bizdə, alınmadı…”

İtalyan futbolunun əfsanəsi, keçmiş qapıçı Canluici Buffon “skuadra adzurra”nın nümayəndə heyətinin rəhbəri vəzifəsindən istefa verib.

Presssport.az xəbər verir ki, Buffon müvafiq qərarını İtaliya yığmasının, 2026-cı il FIFA Dünya Kubokundan kənarda qalması ilə əsaslandırıb:

“Bizim əsas tapşırığımız İtaliya yığmasını dünya çempionatına qaytarmaq idi. Bizdə, alınmadı…”, deyə Buffon təəssüflə bildirib.

Xatırladaq ki, İtaliya yığması ardıcıl 3-cü dəfə FIFA Dünya Kubokundan kənarda qalıb.

“Skuadra adzurra” 2026-cı il FIFA Dünya Kubokuna vəsiqə uğrunda Avropa bölgəsinin ələmə mərhələsinin “A” budağı çərçivəsində Zenitsada Bosniya və Herseqovina yığmasına qarşı final oyununda məğlub olaraq (1:1, əsas vaxt 1:1, penaltilərlə 1:4), mundiala vəsiqə imkanından məhrum olub.