Hidayət Heydərov Avropa çempionatında gümüş medal qazanıb

Azərbaycan cüdoçusu Hidayət Heydərov Gürcüstanın paytaxtı Tiflisdə keçirilən böyüklər arasında Avropa çempionatında gümüş medal qazanıb.

Presssport.az xəbər verir ki, 73 kq çəki dərəcəsində çıxış edən titullu idmançımız finalda gürcüstanlı Laşa Şavdatuaşvili ilə qarşılaşıb. Rəqibinə məğlub olan Olimpiya çempionumuz 2-ci yeri tutub.

Xatırladaq ki, Azərbaycan aprelin 19-dək davam edəcək mötəbər turnirdə 9 kişi və 6 qadın olmaqla 15 cüdoçu ilə təmsil olunur. Daha əvvəl Əhməd Yusifov (60 kiloqram) və Turan Bayramov (66 kiloqram) bürünc medala sahib çıxıb.