Avropa çempionatı: Daha bir cüdoçumuz medal qazanıb

Azərbaycan cüdoçusu Zelim Tçkayev Gürcüstanın paytaxtı Tiflisdə keçirilən böyüklər arasında Avropa çempionatında bürünc medal qazanıb.

Presssport.az xəbər verir ki, 81 kiloqram çəkidə çıxış edən idmançımız 3-cü yer uğrunda görüşdə belçikalı Matias Kasseyə qalib gəlib.

Bu gün mübarizəyə qoşulan Südabə Ağayeva (70 kiloqram) və Ömər Rəcəbli (81 kq) 1/8, Murad Fətiyev (90 kiloqram) isə 1/16 finalda uduzaraq turnirlə vidalaşıb.

Xatırladaq ki, Azərbaycan aprelin 19-dək davam edəcək mötəbər turnirdə 9 kişi və 6 qadın olmaqla 15 cüdoçu ilə təmsil olunur. Daha əvvəl Hidayət Heydərov (73 kiloqram) gümüş, Əhməd Yusifov (60 kiloqram) və Turan Bayramov (66 kiloqram) bürünc medala sahib çıxıb.