Akademik avarçəkənlərimiz Avropa çempionatının gümüş medalçısı olub

Azərbaycan təmsilçiləri İtaliyanın Vareze şəhərində keçirilən akademik avarçəkmə üzrə Avropa çempionatında Avropa 2-cisi olub.

Presssport.az Azərbaycan Su İdman Növləri Federasiyasına istinadən xəbər verir ki, Ziya Məmmədzadə və Nurlan Paşayevdən ibarət cütlük ikinəfərlik qayıqda final yürüşündə finiş xəttini 2-ci keçərək gümüş medal qazanıb.

Qitənin ən güclülərinin müəyyənləşdiyi yarışda ölkəni 2 idmançı təmsil edib.

Xatırladaq ki, Məmmədzadə və Paşayev Bolqarıstanın Plovdiv şəhərində keçirilən akademik avarçəkmə üzrə Dünya Kubokunda da bürünc medal qazanıb.