Mahir Emreli fərqləndi, baş məşqçi əvəzlədi: "Rakuv" 2 qolla cəzalandı

Polşa Ekstraklasasında "Rakuv" səfərdə "Slaşk Vrotslav"ın qonağı olub və 1:2 hesabı ilə məğlubiyyətə uğrayıb.

Presssport.az xəbər verir ki, milli komandamızın hücumçusu Mahir Emreli matça ilk 11-likdə başlayıb və 60-cı dəqiqədə J. Silvanın ötürməsini qola çevirərək komandasını önə keçirib.

Həmyerlimiz 73-cü dəqiqədə İ. Brusberq ilə əvəzlənərək meydanı tərk edib.

Lakin meydan sahibləri matçın sonlarına doğru 86-cı dəqiqədə L. Maryanats və 90-cı dəqiqədə P. Samiets-Taların qolları ilə geridönüş edərək qalib gəliblər.