"Turan Tovuz" elektron bilet sisteminə keçir

"Turan Tovuz" yeni mövsümdən etibarən stadionuna elektron bilet sisteminə keçir.

Presssport.az xəbər verir ki, bu yenilik stadionun UEFA standartlarının tələblərinə uyğunlaşdırılması məqsədi daşıyır.

Birbilet.az ilə əməkdaşlıq çərçivəsində azarkeşlər artıq kassaya gəlmədən biletləri onlayn şəkildə əldə edə biləcək.

Bu yerdə bildirək ki, övsümlük bilet əldə etməklə stadionda ən ideal yeri seçmək və mövsümboyu bütün oyunları eyni yerdən izləmək olar.

Şəhid ailələri və qazilər onlar üçün ayrılmış sektora dəvətnamələri stadionun kassasından ödənişsiz əldə etmək mümkündü.

Elektron bilet almaqda çətinlik çəkən azarkeşlər isə biletləri stadionun kassasından fiziki şəkildə əldə edə biləcək.

Stadiona giriş yalnız fiziki və ya onlayn biletin üzərində olan QR kodu oxutmaqla mümkün olacaq.

Mövsümün ilk oyunu üçün biletlər sabah saat 11:00-dan satışa çıxarılacaq.