Baş məşqçi komandaya gəlməsinə razılıq vermədi

Dortmund “Borussiya”sı Ceydon Sançonun komandaya qayıtması variantından imtina edib.

Presssport.az xəbər verir ki, bu barədə “Mirror” nəşri məlumat yayıb. Bildirilir ki, qərarı şəxsən baş məşqçi Niko Kovaç verib. Klub azad agent statusunda olan 26 yaşlı futbolçunun yenidən transferi üçün hər hansı addım atmayacaq.

Qeyd edək ki, Sanço 2021-2026-cı illərdə “Mançester Yunayted”də çıxış edib. İngiltərə klubu ilə 83 matça çıxan vinger 12 qol vurub və 6 məhsuldar ötürmə edib.