Mahir Emreli 1567 günlük həsrəti bitirdi

Mahir Emreli millimizdə qol həsrətinə son qoyub.

Presssport.az xəbər verir ki, 29 yaşlı hücumçu ölkənin əsas komandasında növbəti - 6-cı qolunu 4 ildən artıq gözləməli olub.

Bu, UEFA Millətlər Liqasının D Liqasında Litva yığmasıyla səfər matçında reallaşıb. Belə ki, Mahir Kaunasdakı görüşün 14-cü dəqiqəsində hesabı bərabələşdirərək, eyni zamanda son nöqtəni qoyub - 1:1.

Emreli millidə bunadək son qolunu 4 il - 51 ay, 1567 gün əvvəl vurmuşdu. Maraqlıdı ki, onda da o, UEFA Millətlər Liqasında oyunda - postsovet məkanı təmsilçisiylə qarşılaşmada son nöqtəni qoymuşdu. Sadəcə, onda evdə - Mərdəkanda Belarusu məğlub etmişdik və həmin vaxt millimizi italiyalı Canni de Byazi çalışdırırdı. Göründüyü kimi, Emreli portuqaliyalı baş məşqçi Fernandu Santuşun dönəmində qol vurmaq nəsib olmadı.

Mahir Emrelinin millidəki qolları:

• 29 may 2018 — Qırğızıstan (Yoldaşlıq görüşü, 3:0)
• 17 noyabr 2018 — Farer adaları (UEFA Millətlər Liqası, 2:0)
• 8 iyun 2019 — Macarıstan (AVRO-2020 seçmə mərhələsi, 1:3)
• 9 sentyabr 2019 — Xorvatiya (AVRO-2020 seçmə mərhələsi, 1:1)
• 13 iyun 2022 — Belarus (UEFA Millətlər Liqası, 2:0)
• 27 sentyabr 2026 — Litva (UEFA Millətlər Liqası, 1:1)
• Xatırladaq ki, Mahir cari mövsümdən icarə əsasında Polşanın “Rakuv” klubunda çıxış edir və onun heyətində 11 rəsmi oyunda 6 qolla yadda qalıb.