"Sabah"dan Kosovo klubuna keçdi

“Sabah”dan ayrılan nigeriyalı futbolçu Oluvasen Timilehinin yeni klubu məlum olub.

Presssport.az xəbər verir ki, 21 yaşlı hücumçu bundan sonra karyerasını Kosovoda davam etdirəcək. 

Belə ki, Timilehin “Ferizaj”a keçib. Bu haqda klubun mətbuat xidməti məlumat yayıb.

Gənc nigeriyalı oyunçu yeni komandası ilə 3 illik müqaviləyə imza atıb.

Timilehin son illərdə əsasən “Sabah-2”nin heyətində çıxış edib, əsas komandada isə cəmi 2 matçda meydana çıxıb. Afrikalı oyunçu 2025-ci ildə “İmişli”yə icarəyə göndərilib.