"Ferentsvaroş" "Qarabağ"ın braziliyalısına yenidən göz dikib

"Qarabağ"ın futbolçusu Julio Romaonun "Ferentsvaroş"a transfer ola biləcəyi yenidən gündəmə gəlib.

Presssport.az xəbər verir ki, bu barədə Macarıstan mətbuatı məlumat yayıb.

Belə ki, bu ölkənin nəhənginin "Qarabağ"ın 26 yaşlı braziliyalı yarımmüdafiəçisini transfer siyahısına daxil etdiyi bildirilir. Bu yerdə bildirək ki, Budapeşt təmsilçisi ötən mövsüm də Romaoya maraq göstərmişdi.

Xatırladaq ki, Romaonun "Qarabağ"la müqavilə müddəti 2026-cı il iyunun 30-na qədərdi.