Karateçimiz Dünya Kubokunda bürünc medal qazanıb

Kyokuşin karate üzrə Azərbaycan millisinin üzvü Cavid Kazımlı Bolqarıstanın Varna şəhərində keçirilən Dünya Kubokunda bürünc medal qazanıb.

Presssport.az Azərbaycan Karate Federasiyasının mətbuat xidmətinə istinadən xəbər verir ki, o, 16-17 yaş qrupunda +75 kq çəki dərəcəsində bu mükafata sahib çıxıb.

Daha sonra yarışda senşi döyüşlərinə start verilib. Bu növdə Orxan Məmmədov ilk döyüşünü tam qələbə ilə bitirib. O, 2-ci döyüşünü bu gün keçirəcək.

Onu da bildirək ki, Azərbaycan yarışda 12 idmançı ilə təmsil olunur.