"Qarabağ"dan Estoniyada ardıcıl 3 qələbə

"Qarabağ"ın 16 yaşadək futbolçulardan ibarət komandası Estoniyada keçirilən “Tallinn Cup”da mübarizəyə başlayıb.

Presssport.az xəbər verir ki, Rəşad Sadiqovun komandası ilk turda Latviya təmsilçisi “Auda” ilə görüşüb. Ağdam təmsilçisi rəqibini 4:1 hesabı ilə məğlub edib. Baltikyanı ölkə təmsilçisi ilə matçda Əli İbrahim 2, Əli Əliyev və Rəşid Tariverdiyev hərəyə 1 qol vurub.

İkinci turda İsveç “Hasselbi”si ilə görüşən "Qarabağ" 4 cavabsız qolla qələbə qazanıb. Əli İbrahim 2, Əli Əliyev və Sahib Aliyev hərəyə 1 qola imza atıb.

Ağdmalılar Estoniyanın “NF Academy” klubunu da məğlub edib – 2:1. Əli İbrahim turnirdə ardıcıl 3cü dublunu gerçəkləşdirib. İlk üç turda 9 xal toplayan U-16 10 qol vurub, 2-ni buraxıb.

Onu da bildirək ki, turnirdə 7 komanda dairəvi sistemlə mübarizə aparır.