Merih Demiralın heykəlini ucaldacağına söz verdi: “Avropa gəlsin məni də cəzalandırsın"

Türkiyənin Bolu şəhərində futbolçu Merih Demiralın heykəli ucaldılacaq.

Presssport.az xəbər verir ki, bu barədə Bolu Bələdiyyə Başçısı Tanju Özcan məlumat verib. 

O, AVRO-2024-ün Avstriya yığmasıyla matçında (2:1) "bozqurd" işarəsi göstərən Türkiyə yığmasının müdafiəçisinin heykəlinin yaxın zamanda ucaldılacağını açıqlayıb.

Özcan UEFA-nın Merihə verdiyi 2 oyunluq cəzanı şiddətlə qınayıb və futbol qurumunu da tənqid edib. Boluda Merihin heykəlini ucaldacağına da söz verən bələdiyyə başçısı “Avropa gəlsin məni də cəzalandırsın” deyib.