AVRO-2024: İngiltərə də yarımfinala penaltilər seriyasında çıxdı

Almaniyada təşkil olunan AVRO-2024-ün 1/4 finalında İngiltərə - İsveçrə matçının qalibi penaltilər seriyasında müəyyənləşib.

Presssport.a xəbər verir ki, əsas və əlavə vaxtı 1:1 hesablı bərabərliklə yekunlaşan matçın penaltilər seriyasında ingilislər üstün olub - 5:3.

Oyunun əsas vaxtında İsveçrə millisinin jücumşusu Bril Embolo 75-ci dəqiqədə fərqlənib. İngiltərə yığmasından isə sağ cinah yarımmüdafiəçisi Bukayo Saka 80-ci dəqiqədə rəqib qapısına yol tapıb - 1:1.

Xatırladaq ki, İngiltərə yığması yarımfinalda Niderland - Türkiyə matçının qalibi ilə görüşəcək.