AVRO-2024: Türkiyə turnirlə vidalaşdı

Almaniyada təşkil olunan AVRO-2024-ün 1/4 finalında Niderland - Türkiyə matçıyla bu mərhələyə yeku n vurulub.

Presssport.az xəbər verir ki, oyunda hesabı 35-ci dəqiqədə müdafiəçi Samet Akaydının qolu ilə türklər açıb.

Lakin qardaş ölkənin komandası bu hesabı sonadək qoruyub saxlaya bilməyib. Niderland millisinin müdafiəçisiStefan De Vray 70-ci dəqiqədə bərabərlik qolunu vurub. Bundan 6 dəqiqə sonra isə Türkiyə yığmasının müdafiəçisi Mərt Müldür avtoqola imza atmaqla rəqibin yarımfinala yüksəlməsində pay sahibi olub.

Türkiyə millisinin ehtiyat oyunçular skamyasında olan hücumçusu Bertuğ Yıldırım isə 90+6-cı dəqiqədə qırmızı vərəqə ilə cəzalandırılıb.

Onu da bildirək ki, Berlindəki Olimpiya Stadionundakı matçı izləmək üçün Türkiyə prezidenti Rəcəb Tayyib Ərdoğan gəlmişdi.