"Sumqayıt"ın ilk legioner trasnferi sabiq "Botafoqo"lu oldu

2024/25 mövsümü üçün transfer çalışmalarını davam etdirən “Sumqayıt” daha bir futbolçunun keçidini reallaşdırıb.

Presssport.az "gənclik şəhəri" təmsilçisinin mətbuat xidmətinə istinadən xəbər verir ki, klub son mövsümü Albaniya “Eqnatiya”sında keçirmiş Fernando Medeiros ilə 2+1 illik müqavilə imzalayıb.

28 yaşlı braziliyalı yarımmüdafiəçi yeni klubunda “11 nömrəli forma”da çıxış edəcək.

Braziliyanın “Santos” klubunun yetirməsi olan Medeiros karyerası ərzində “Botafoqo”, “Vila Nova”, “Bahia”, “Portimonense” kimi komandaların şərəfini qoruyub.

Xatırladaq ki, Konfrans Liqasında çıxış edəcək "Sumqayıt"ın bu, yay fasiləsində ilk əcnəbi transferidi. Bunadək yalnız millimizin sabiq yarımmüdafiəçisi Rəhim Sadıxov qaytarılmışdı.