"Qarabağ" bu gün Avstriyada 2 matça çıxacaq

Avstriyada təlim-məşq toplanışında olan "Qarabağ" bu gün 2 yoxlama oyunu keçirəcək.

Presssport.az xəbər verir ki, Ağdam təmsilçisi ilk matçında Almaniya II Bundesliqa təmsilçisi "Kayzerslautern"lə qarşılaşacaq. Görüş Bakı vaxtı ilə saat 14:30-da başlayacaq.

Qurban Qurbanovun komandası 2-ci oyunda Çexiya yüksək liqa təmsilçisi, vaxtilə avrokuboklarda 2 müxtəlif vaxtda görüşdüyü "Viktoriya" (Plzen) ilə üz-üzə gələcək. Matça saat 20:00-da start veriləcək.

Xatırladaq ki, "Qarabağ"ın Avstriyada 4 yoxlama oyunu keçirməsi nəzərdə tutulub. Sonrakı rəqiblər hələlik bəlli deyil.

9 iyul

I oyun

14:30. "Kayzerslautern" - “Qarabağ”

Velli Arena İmst

II oyun

20:00. "Viktoriya Plzen" - “Qarabağ”

Vestendorf