"Qəbələ" yay hazırlıq planını açıqladı

“Qəbələ”nin 2024/25 mövsümünə hazırlıq planı müəyyənləşib.

Presssport.az bölgə təmsilçisinin mətbuat xidmətinə istinadən xəbər verir ki, “qırmızı-qaralar” məşqlərə iyulun 25-də Qəbələdə başlayacaq.

Seleksiya xarakterli hazırlıq prosesi bir həftə davam edəcək. Ardınca komanda təlim-məşq toplanışına start verəcək. Qəbələ şəhər stadionunda gerçəkləşəcək hazırlıq prosesində yoxlama oyunlarının keçirilməsi planlaşdırılıb. Rəqiblər və qarşılaşmaların tarixləri hələlik məlum deyil.

Onu da bildirək ki, I Liqada yeni mövsüm sentyabrın 11-də başlayacaq.