Millimiz qrupdakı son matçında da qələbə qazanıb

Azərbaycanın 16 yaşadək qızlardan ibarət basketbol millisi Avropa çempionatının C divizionunda qrupdakı son matçını keçirib.

Presssport.az xəbər verir ki, Evren Alkayanın komandası Kipr yığması ilə üz-üzə gəlib.

Qarşılaşma millimizin 68:45 hesablı qələbəsi ilə yekunlaşıb.

Xatırladaq ki, A qrupunda mübarizə aparan yığmamız əvvəlki görüşlərdə Ermənistan millisini 86:59, Gürcüstanı isə 97:40 hesabı ilə məğlub edərək yarımfinalda iştirak hüququ qazanıb.