"İngiltərə ilə final digər oyunlardan fərqli olacaq" - İspaniya millisinin baş məşqçisi

İspaniya millisinin baş məşqçisi Luis de la Fuente AVRO-2024-ün finalında İngiltərə yığmasıyla oyun öncəsi fikirlərini bölüşüb.

Presssport.az xəbər verir ki, ispaniyalı mütəxəssis əla komanda olduqlarını açıqlayıb: "Bu Avropa çempionatındakı nəticələrdən asılı olmayaraq, İngiltərənin çox yaxşı olduğunu bilirdim. Onların əla heyəti var. Aydın idi ki, gec-tez yaxşı çıxış edəcəklər. Buna onların oyunçularının müstəsna keyfiyyətinə görə inanırdım. Düşünürəm ki, İngiltərə ilə oyun indiyədək turnirdə oynadığımız matçlardan çox fərqli olacaq”.

Xatırladaq ki, İspaniya - İngiltərə matçı bu gün Bakı vaxtı ilə 23:00-da keçiriləcək.