"Sumqayıt"ın rəqibində ciddi problem - maaşlar azaldıldı, aparıcı futbolçular getdi

Konfrans Liqasının II təsnifa mərhələsində “Sumqayıt”ın qarşılaşacağı Macarıstanın “Fehervar” klubu ciddi maliyyə problemi ilə üzləşib. 

Presssport.az bu ölkənin mətbuatına istinadən xəbər verir ki, Macarıstanın ən böyük neft-qaz şirkəti MOL-un ilin əvvəlində klubla əməkdaşlığını dayandırmasından sonra "Sumqayıt"ın rəqibi təxminən 850 min avro itirib. 

Bunu nəzərə alaraq, klubun maaşları xeyli azaldılıb. Nəticədə bir sıra aparıcı futbolçular komandanı tərk edərək, hazırda MOL-un sponsorluq etdiyi “Uypeşt”ə keçib. 

Üstəlik, klubun sahibinin onu idarə etmək üçün şəhər rəhbərliyinə təhvil verəcəyi gözlənilir. 

Xatırladaq ki, “Sumqayıt”la “Fehervar” arasında matçlar iyulun 25-i və 31-də baş tutacaq.