Premyer Liqaya qayıdan “Şamaxı” növbəti transferlərini həyata keçirir.
Bu haqda Presssport.az-a məlumat verən komandanın baş məşqçisi Ayxan Abbasov 2 legionerlə müqavilə imzalamağa hazırlaşdıqlarını deyib:
“Bunlar monteneqroli mərkəz müdafiəçisi Vasilije Radenoviçlə belçikalı hücumçu Jonatan Bentekedi. Hər ikisi hazırda Bakıdadı və bu gün tibbi baxışdan keçəcəklər. Hər şey yaxşı olsa, müqavilə bağlayacağıq. Anlaşmaların müddəti 1 illik olacaq".
Onu da bildirək ki, Lüksemburqun "Union" klubundan gələn 29 yaşlı Benteke tanınmış belçikalı forvard Kristian Bentekenin kiçik qardaşıdı. 30 yaşlı Radenoviçin son klubu isə Bosniya və Herseqovinada "GOSK Gabela” olub.
Xatırladaq ki, "Şamaxı" yay fasiləsində Adil Nağıyev, Rafael Məhərrəmli, İlkin Muradov, Rauf Rüstəmli, Rüfət Abbasov, Belajdi Pusi, Brahim Konate, Georgi Kantariya, Kamal Bayramov, Lubeni Haukonqo və Fəxri Məmmədlini transfer edib.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
