Azərbaycanda futbol klubunun rəhbəri faciəvi şəkildə həlak oldu

II Liqada çıxış edən “Ağdaş”ın prezidenti Rəhman Əliyev faciəvi şəkildə dünyasını dəyişib.

Presssport.az xəbər verir ki, o, Ağdaşda çayda boğulub.

Belə ki, şəhər sakini 1988-ci il təvəllüdlü Ağazadə Fərid Ağa oğlu rayonun Dəhnəxəlil kəndi ərazisində çayda çimərkən boğulub. Onu sudan çıxarmaq məqsədilə çaya düşən dayısı oğlu, 1990-cı il təvəllüdlü Əliyev Rəhman Cəfər oğlu da çayda boğularaq ölüb.

Hər iki şəxsin meyiti səhər saatlarında sudan çıxarılaraq aidiyyəti üzrə təhvil verilib. 

34 yaşlı Əliyev evliydi, 3 övladı var.

Allah rəhmət eləsin!