"Qarabağ"ın ÇL-nin III təsnifat mərhələsindəki potensial rəqibi müəyyənləşib

Bu gün Çempionlar Liqasında (ÇL) III təsnifat mərhələsinin püşkü atılıb. 

Presssport.az xəbər verir ki, İsveçrənin Nyon şəhərində keçirilən tədbirdə Azərbaycan təmsilçisi “Qarabağ”ın da potensial rəqibi müəyyənləşib.

Belə ki, "Qarabağ" II təsnifat mərhələsində Cəbəllütariqin “Linkoln” klubunu keçərsə, növbəti mərhələdə "Lüdoqorets" (Bolqarıstan) – "Dinamo" (Minsk, Belarus) cütünün qalibi ilə üz-üzə gələcək. 

Bu halda "Qarabağ" ilk oyunu evdə, cavab matçını səfərdə keçirəcək. Bu mərhələnin matçları avqustun 6-7-də və avqustun 13-14-də keçiriləcək.