Avropa Liqası: "Qarabağ" - "Linkoln" duelinin məğlubuyla bağlı maraqlı püşk

Avropa Liqasının III təsnifat mərhələsinin püşkü atılıb.

Presssport.az xəbər verir ki, Çempionlar Liqasının (ÇL) II təsnifat mərhələsinin “Linkoln” – “Qarabağ” cütünün Avroliqadakı mümkün rəqibi də müəyyənləşib.

Belə ki, bu cütdə uduzan tərəf adıçəkilən turnirin III mərhələsində "Lüdoqorets" (Bolqarıstan) – "Dinamo" (Minsk, Belarus) cütünün məğlubu ilə qarşılaşacaq. “Linkoln” – “Qarabağ” cütünün məğlubu ilk görüşü səfərdə keçirəcək.

Maraqlıdır ki,  “Linkoln” – “Qarabağ” cütünün qalibi də ÇL-in 3-cü mərhələsində "Lüdoqorets" (Bolqarıstan) – "Dinamo" (Minsk, Belarus) cütünün qalibi ilə üz-üzə gələcək. 

Onu da bildirək ki, Avropa Liqasının III təsnifat mərhələsinin matçları avqustun 8-də və 15-də keçiriləcək.