Musa Qurbanlı "Linkoln"a qarşı oynaya bilməyəcək

Çempionlar Liqasında təmsilçimiz “Qarabağ” II təsnifat mərhələsində Cəbəllütariqin “Linkoln” klubuyla matçlarda itkiylə üzləşib.

Ağdam klubunun mətbuat xidmətinin rəhbəri Anar Hacıyevin Presssport.az-a verdiyi məlumata görə, mətbuat üçün açıq məşqdə iştirak etməyən hücumçu Musa Qurbanlı zədəlidi və müalicə alır.

Belə ki, Musa Avsyriya təlim-məşq toplanışı çərçivəsində Xorvatiyanın “Slaven” klubuyla qələbə topunu vurduğu yoxlama matçında (1:0) xəsarət alıb. 

Amma zədə ciddi deyil, sadəcə, gənc futbolçunu bir müddət yaşıl meydanlardan kənarda qoyacaq. Belə ki, 22 yaşlı Qurbanlı 1 illik fasilədən sonra döndüyü “Qarabağ”da rəsmi debütü üçün ən azı 2 həftə gözləməli olacaq.

Xatırladaq ki ki, "Qarabağ" "Linkoln"la ilk matçını iyulun 23-ə səfərdə, cavab görüşünü iyulun 30-fa evdə keçirəcək.