"Qəbələ" daha bir legionerlə müqaviləsini pozdu - RƏSMİ

“Qəbələ” kamerunlu futbolçu Kristof Atanqana ilə yollarını ayırıb. 

Presssport.az klubun mətbuat xidmətinə istinadən xəbər verir ki, 24 yaşlı qapıçı ilə müqaviləyə qarşılıqlı razılaşma əsasında xitam verilib.

Atanqana 2021-ci ilin iyulundan çıxış etdiyi “qırmızı-qara” formada 36 matç keçirib. Kristof Premyer Liqada 24, Azərbaycan kubokunda 10, Konfrans Liqasında 2 oyunda iştirak edib. 

Xatırladaq ki, I Liqaya düşən “Qəbələ” legionerlərinin çoxuyla müqaviləsini pozub.