"Qarabağ" "Maksimir"də qol buraxmayacaq?!

“Qarabağ” Çempionlar Liqasının (ÇL) pley-off mərhələsində 3-cü dəfə iştirak edəcək.

Presssport.az xəbər verir ki, bu dəfə Zaqreb “Dinamo”suna rəqib olan Qurban Qurbanovun komandası qrupa gedən son mərhələdə ilk matda qol buraxmamağı diqqət çəkir.

ÇL-in pley-offunda debüt 2017-ci ilin avqustunda Bakıda olmuşdu. Onda ağdamlılar “Kopenhagen”i Tofiq Bəhramov adına Respublika stadionunda Mahir Emrelinin yeganə qoluyla məğlub etmişdi. Danimarka paytaxtındakı cavab görüşündə 1:2 hesabıyla uduzsaq da, həmin vaxt mövcud olan səfər qolu işimizə yarayaraq cütün qalibi olmuşduq. 

“Köhlən atlar” 2022-ci ilin avqustunda yenidən ÇL-in pley-offunda iştirak edəndə də ilk olaraq meydan sahibi idi və bu dəfə “Tofiq Bəhramov”da Çexiya “Viktoriya”sıyla qolsuz bərabərliyə qalmışdı. Səfərdə də 1:2 hesablı məğlubiyyətimiz olaraq bu dəfə ÇL-in qrupundan kənarda qalmışdıq.

Onu da bildirək ki, “Qarabağ”da ÇL-in pley-off mərhələsində qol müəlliflərindən heç biri hazırda heyətində deyil. Bunlar Mahir Emreli, Dino Ndlovu və Filip Ozobiçdi. Mahir yaxınadək Zaqreb təmsilçisinin futbolçusu idi ki, onunla müqavilə pozulayarq yollar ayrıldı.