Borisovdan növbəti qələbə şərhi: "Bu 2 oyunda qaçırdığımız epizodları “Uddevalla” matçda realizə edərik”

“Dünənki “Sparta Belfast” (Şimali İrlandiya) görüşü ilə müqayisədə bu gün daha yaxşı çıxış etdik. Oyunumuzda sürət artmışdı. Bu gün daha sürətli oynadıq".

Presssport.az xəbər verir ki, bunu "Araz-Naxçıvan" futzal klubunun baş məşqçisi Vitali Borisov UEFA Çempionlar Liqasının ilkin mərhələsində “Sillamae Silla” (Estoniya ) komandası üzərində 7:0 hesablı qələbədən sonra deyib.

Mütəxəssis qalib gəldikləri üçün sevincli olduqlarını vurğulayıb: “Düzdür, yenə qol epizodlarından istədiyimiz qədər faydalana bilmədik. Rəqibin də 4-5 qol epizodu oldu, amma qapıçılarımız yaxşı oynamaqla ”çərçivə"mizi toxunulmaz saxlamağı bacardı. Son addım qalıb. İnşallah, bu 2 oyunda qaçırdığımız epizodları “Uddevalla” matçda realizə edərik”.

Xatırladaq ki, çempionunu İsveçin “Uddevalla” klubu ilə avqustu 24-də qarşılaşacaq. Yalnız qrup liderləri əsas mərhələyə vəsiqə qazanacaq.