"Qarabağ"ın uğurlu seriyası qırıldı - 385 gün sonra

“Qarabağ”ın Misli Premyer Liqasında 1 illik uğurlu seriyası qırılıb.

Presssport.az xəbər verir ki, Qurban Qurbanovun komandası 12 aydan sonra öz meydanında uduzub.

Bu, IV turda “Azərsun Arena”da “Turan Tovuz”a 0:1 hesablı məğlubiyyət olub. 

Ağdam klubu son dəfə keçən çempionatın ilk turunda evdə xalsız qalmışdı. Onda da məğlubiyyət minimal hesabla olmuşdu - “Zirə”yə 0:1. Bu, 2023-cü ilin avqustun 5-də qeydə alınmışdı və 385 gündən sonra “köhlən atlar” Premyer Liqada ev məğlubiyyəti yaşadı.