"Qarabağ"ın rəqibindən ərəb klubuna keçdi

Çempionlar Liqasının pley-off mərhələsində "Qarabağ"ın rəqibi olan Xorvatiyanın "Dinamo" (Zaqreb) klubu futbolçusu İvan Saraniçlə yollarını ayırıb.

Presssport.az xəbər verir ki, bu barədə paytaxt təmsilçisinin mətbuat xidməti məlumat yayıb.

Belə ki, 21 yaşlı xorvatiyalı yarımmüdafiəçi Birləşmiş Ərəb Əmirliklərinin "Əl-Batae" klubuna keçib.

Xatırladaq ki, avqustun 20-də Zaqrebdəki "Maksimir" stadionunda baş tutan "Dinamo" - "Qarabağ" matçı meydan sahiblərinin 3:0 hesablı qələbəsi ilə yekunlaşıb. Tərəflərin cavab görüşü avqustun 28-də saat 20:45-də baş tutacaq.