Stolüstü tennisçilərimiz Batumidə beynəlxalq turnirdə mükafat qazanıb

Azərbaycanın stolüstü tennisçiləri Gürcüstanda təşkil olunan “WTT Youth Contender” turnirində ilk mükafatlarını qazanıb.

Presssport.az xəbər verir ki, Batumi sınaqlarının ikinci günündə əvvəlcə Adil Əhmədzadə - Mərziyyə Nurmətova tandemi qarışıq qoşa yarışında etimadı doğruldub.

16 yaşlı idmançılar U-19 yaş kateqoriyasında 3-cü yeri tutub. 13 yaşadək idmançıların şəxsi mübarizəsində isə Onur Quluzadə 1-ci, Yağmur Məmmədli 3-cü olub.

Xatırladaq ki, 11 ölkə stolüstü tennisçilərinin qatıldığı beynəlxalq yarışa sentyabrın 29-da yekun vurulacaq.