"Turan" klublarımızla 2 yoxlama oyunu keçirib

Bakıda təlim-məşq toplanışı keçirən Qazaxıstanın "Turan" həndbol klubu Azərbaycan təmsilçiləriylə 2 yoxlama oyunu keçirib.

Presssport.az xəbər verir ki, əvvəlcə "Dinamo" ilə qarşılaşan asiyalılar 31:27 hesablı qələbəyə sevinib.

Daha sonra "Bakı" ilə üz-üzə gələn "Turan" məğlub olub - 28:38.

Bu yerdə bildirək ki, təlim-məşq toplanışına 25 hənbdolçu ilə qatılan “Turan” Bakıda daha əvvəl “Azəryol”la qarşılaşıb. “AHF Arena” İdman Kompleksində təşkil olunan həmin yoxlama görüşü təmsilçimizin 34:28 hesablı qələbəsi ilə bitmişdi.