"Neftçi" 6-cı oyunda da məğlub olub, 6-cı pillədə qalıb

"Neftçi" cari mövsüm Azərbaycan Basketbol Liqasında keçirdiyi 6-cı oyunda da məğlub olub.

Presssport.az xəbər verir ki, A qrupunda yer alan "ağ-qaralar" VI turda "Naxçıvan"la üz-üzə gəlib.

Qarşılaşma bölgə təmsilçisinin qələbəsi ilə yekunlaşıb - 83:72.

Xallarının sayını 11-ə çatdıran "Naxçıvan" 1-ci pillədə qərarlaşıb. 6 xalı olan "Neftçi" sonuncu - 6-cıdı.

Günün digər matçında "Sabah" "Sərhədçi"nin müqavimətini qırmağa çalışacaq. 

Turun digər oyunları 11, 13 və 14 dekabrda gerçəkləşəcək.