Bakıda çövkən üzrə XI Prezident Kubokuna start verilib

Azərbaycan Respublikası Atçılıq Federasiyası (ARAF) tərəfindən ənənəvi olaraq təşkil edilən çövkən üzrə XI Prezident Kuboku start götürüb.

ARAF-dan Presssport.az verilən məlumata görə, turnirdə iştirak edən 8 komanda 2 qrupda mübarizə aparır.

Binə Atçılıq Mərkəzinin qapalı meydanında keçirilən yarışın qrup mərhələsinin oyunları bu gün, həmçinin 18 və 20 dekabrda baş tutacaq.

Prezident Kubokunun yarımfinalı dekabrın 23-də, 3-cülük uğrunda və final görüşü isə ayın 24-də gerçəkləşəcək.