Vüsal İsgəndərli Türkiyə kubokunda qol ötürməsi etdi

Azərbaycanlı futbolçu Vüsal İsgəndərli Türkiyənin "Boluspor" klubunda məhsuldar ötürmə ilə yadda qalıb.

Presssport.az xəbər verir ki, 29 yaşlı vinger "1461 Trabzon"u məğlub etdikləri ölkə kubokunun V mərhələsinin matçında assist müəllifi olub.

Belə ki, 71-ci dəqiqədə meydana daxil olan Vüsal bundan 6 dəqiqə sonra komandasının sonuncu qolunun vurulmasında yaxından iştirak edib.

Beləliklə, rəqibini 4 cavabsız qolla üstələyən "Boluspor" Türkiyə Kubokunun qrup mərhələsinə vəsiqə qazanıb.